التسويق من خلال تجزئة السوق

 تجزئة السوق هيا واحد العملية تسويقية لي من الخلال ديالها  كنقسمو المارشي لبزاف د الأجزاء متجانسة مع بعضها وغانعطي مثال باش كلشي تبان ليه الفكرة مثلا عندنا المارشي لي متعلق بالملابس

وملي كانديرو التجزئة هنا فاحنا كنقسمو الملابس هادو ديال العيالات وهادو ديال الرجال وكنقولو مثلا هادو الألبسة ديال الرجال الكبار وهادو ديال الأطفال وهنا قسمنا المارشي للملابس لبزاف د التجزئات

وكيفما كان نوع المنتوج ديالك غادي تبغي تواصل مع جمهورك المستهدف باللغة ديالهم وتعبر ليهم على الاهتمام ديالك من خلال تقسيمك للجمهور لبزاف د الفئات محدد وتركز على الخطة التسويقية لكل فئة من خلال تلبية الحاجيات ديالهم والرغبات

تقسيم سوق كيتكون من 4 أنواع و لي هما:

– Demographic segmentation

– Psychographic segmentation

– Behavioral segmentation

– Geographic segmentation

Demographic segmentation :

لي هو التقسيم الديموغرافي هاد النوع كيتعبر من الأكثر استعمالا في تقسيم السوق وكيشير الى بيانات واقعية واحصائية على بزاف د الناس بالإضافة انه كيتعتبر من الأنواع سهل البحث والكشف عنها من خلال الأبحاث تاع السوق وكيتم تقسيمه الى ((العمر، موقع، دخل الفرد، تعليم و جنس…) ولي البعض منها متغير وعلى سبيل المثال ناخدو العمر ولي تيتعبر من المتغيرات اكثر وضوحا لي خاص تخاد بغين الاعتبار عند الاستهداف حيث من المهم تعرف العمر ديال الفئة والجمهور لي غاتستهدف ولا اشمن خطة لي غاتدير معهم

Psychographic segmentation :

هاد النوع من بين الأنواع لي صعيبة على التقسيم الديموغرافي باش يتم التحديد ديالو حيث كيقسم فئات من جماهير المستهدفة وفق الشخصيات ديالهم والخصائص على عكس التقسيم الديموغرافي والتقسيم جيوجرافي لي كتركز على السمات والصفات الجوهرية لي كاينا عند كل عميل كيختلف كليا على العميل الاخر في الصفات، و باش تمكن من تقسيم جمهورك مستهدف حسب سيكوغرافي كيتطلب منك دير بحث مفصل و فهم دقيق

Behavioral segmentation

هاد النوع كيطلب من المسوقين افهمو الكراكتير ديال العملاء بحيث تقسيم ديموغرافي وتقسيم سيكوغرافي وكيقومو بتركيز على شكون هو العميل اما التسويق السلوكي كيركز بشكل أساسي على كيف داير العميل وكيفاش كيتصرف ومن بين الأمثلة (تفاعل عملاء مع علامة التجارية، عادات الشراء، اتخاذ القرارات و غيرها…) كيركز هد نوع بشكل كبير على ردود الأفعال عملاء مستهدفين مع علامتك التجارية و القرارات لي كيتاخدوها عند عمليتهم شرائية

Geographic segmentation :

هاد النوع هو الأكثر بساطة ويسر في تقسيم السوق حيث كيتجلى فقط في تجزئة وتصنيف العملاء المستهدفين حسب الموقع ديالهم جيوجرافي ولي كيشير الى تحديد حدود جيوجرافية ونوع المنطقة لي كينتمي ليها جمهور المستهدف وخصك تقوم بالبحث باش تعرف مواقع انتمائهم وتصمم إعلانات بناء عليها