صحح المفاهيم الخاطئة لي عندك حول مجال التعلم و العمل فالبرجمة...

صحح المفاهيم الخاطئة لي عندك حول مجال التعلم و العمل فالبرجمة...

أجي كود

منذ 4 أشهر

464 عدد المشاهدات

مغلق

حقيقة كتصدع بزاف ديال الناس فراسهم قبل ما يدخلوا لهاد الدومين واش غادي نخدم أو لا غير كنضيع وقتي وللأسف بزاف منهم كيوقفوا فاول حاجز كيتعرضولو فهاد المقال غادي نشوفوا بعض المفاهيم الخاطئة بخصوص البرمجة.

 

اغلب الناس باغيين يبداو فمجال البرمجة، و لكن عندهم واحد النظرة خاطئة بخصوص البرمجة، سوا كيكونو سمعوها من عند شي حد أو بعض الفيديوهات فاليوتوب لي كيخربقو بهاد المصطلح إن صح التعبير، أو انهم سمعو شي حد مثلا مبرمج عطا رأي شخصي ديالو وكيعتابرها هو على أنها مسَلمة وصحيحة % 100.

انا ادبي معنديش مع رياضيات إذن مغاندير والو فهاد المجال :

هذا من اكثر الافكار الخاطئة لي كدور خصوصا بين الناس ديال المجتمع ديالنا المغربي، ضروري متكون سمعتي شي حد كيأمن أنه كيربط تخصص دراسي ديالو مع البرمجة، لهذا غانصحح ليكم هاذ الرؤية، وهي أنه مشي بالضرورة تكون مجتهد فالماط، صحيح أنه بعض المجالات كتحتاج الرياضيات بحال الذكاء الاصطناعي او الmaching learning وغاتحتاجها فشي مراحل بحال فاش تكون كتحل شي مشكلة برمجية، ولكن متخافش راه مشي ديك رياضيات لي كيقرو فالنظام التعليمي. إنما خاصك غاتضبط بعض القواعد لامكنتيش غاتعمق فشي مجال من هادو لي ذكرت، مثلا تعرف شناهو عدد اولي، متتالية... راه كاين لي ناضي فالproblem solving وضابط data structures وفنفس الوقت كتلقاه داير شعبة لاعلاقة لها بدومين، إذن الخلاصة هي خاصك تكون منطقي فقط حيت تقد تلقا واحد كيقرا فتاسعة يحل مشكلة على واحد عندو 20 سنة..

بغيت نقرا البرمجة بإينا لغة تنصحني نبدا بيها :

وبطبيعة الحال كاينين شي إخوان غاكيخربقو كاين لي كيقول ليه بدا بالبايثون حيت ساهلة، كاين لي كيقول بدا ب c++ حيت هي أم اللغات، وكاين لي كيقول قرا html باش دخل لدومين بسهولة،.. هادشي كامل راه كيشكل خطر على هاد دومين ويقدر يفشل أي واحد قبل مايبدا.. النقطة المهمة لي نبغي نوصل ليكم هي خاصك تختار دومين حيت كل دومين وفيه لغات والframeworks الخاصين بيه وسطر على كل دومين ولغات لي فيه.. غانعطيكم بعض التخصصات وشنو لي فيهم ولك حرية الاختيار.

python – perl – ruby – c++ – java script – bash scripting : Cyber Security...            

html – css – java script- python : Front-End...            

php – java script – MySQL – Java – python : Back-End...            

c# – c++ – java : Games Devlopment...            

java – kotlin – flutter – java script : Android Applications...            

c++ – python – c# : Desktop applications...

إذن الخلاصة هي ختار دومين، ختار لغة لي بانت ليك مناسبة فيه، قرا الconcept والsyntax ديالها، من بعد قرا الdata structures and algorithmes هادو هوما أهم واكثر نقطة خاصك تركز عليهم فداك شي كامل. هاد الدومين صعيب فالأول ديالو لكن بعد ما تمكن منو فعندك فرص عديدة باش تخدم وخا متحركش من داخل الغرفة ديالك فأهم حاجة هي تستمر وتحدى جميع العقبات والله الميسر.