كفاش تدير العلامة التجارية (البراند)

كفاش تدير العلامة التجارية (البراند)

أجي كود

منذ 6 أشهر

212 عدد المشاهدات

مغلق

من التجول في المتجر الى قضاء ساعة أمام التلفاز، كنتلقاو مع بزاف ديال العلامات التجارية في كل بلاصة، هدشي لي كيخلينا نتساءلوا اشناهيا هاذ العلامة؟ و علاش اصلا تدارت ؟

المهم غادي نبداو أولآ بتعريف العلامة التجارية أو brand، ثانيا غادي ندوي على الفوائد ديال بناء البراند و ثالتا الخطوات الستة لبناء العلامة التجارية بشكل صحيح.
1- التعريف : العلامة التجارية هي :
  • السمعة ديال المنتوج ديالك في السوق
  •  داكشي لكيميزك عن المنافسين ديالك
  •  مجموعة من المميزات التي تحميك من المنافسين
  • ADN ديال المنتوج أو الخدمة ديالك
  • أي شيئ لا يمكن نسخه
  • الصورة الدهنية ديال المنتوج ديالك عند المستهلك
غادي نعطي أمثلة باش تفهم أكتر وغادي نسولك, شنو هي سيارة أحلامك او ساعة كتمنى تلبسها او تيليفون كيعجبك ؟
 
إوا أسيدي, أللا, دوك سميات ديال المنتوجات لجاوك على بالك (متلا : ميرسيديس، روليكس، أيفون) هادوك هما brands أو les marques ، إدن brand هي أول حاجة كيفكر فيها الزبون فاش كيحتاج شي منتوج.
وللإشارة العلامة التجارية هي مجموعة الإرتباطات (اللوغو، الألوان، السلوكن، الموسيقى، الرائحة...) لكتخلي الزبون يتدكر البراند ديالك.
دبا فهمنا معنى البراند، وغادي نسولو راسنا علاش هذه الضجة كاملة على branding وعلاش دابا ولات هي الموضة وكلشي كيدوي عليها، إدن ندوزو لثانيا
 
2- فوائد البراند للشركة :
الصراحة البراندين شيئ جميل وفكرة رائعة وعندها مجموعة من الفوائد على المنتوج أو الخدمة ومنها :
- فاش كتدير براند كتقدر تسعر بثمن لبغيتي حيت المنتوج ديالك special
- فاش كتدير براند كيولي عندك زبناء أوفياء
- فاش كتدير براند كتولي عندك قوة التفاوض
- فاش كتدير براند كتكون عندك فرصة كبيرة أنك توسع المنتوجات ديال، متال samsung مكتبيعش غير التليفونات، كتبيع حتى تلاجات، مكينات صابون، كدير البناء، وكتخدم في بزاف المجالات بالسمية لبنات لهي samsung, متال أخر فيراري توسعات ودخلات مجال الساعات، الملابس، الحواسب... بإسم brand ديالها
 
ندوزو دابا لبعض فوائد البراند او les marques على الزبائن، ونقول أن الزبون كيعرف الجودة والسعر ديال la marque, هاد البراند كتساعدو باش إعبر عن داتو كيفما كيدير سيمو لايف فاش كيسوق مازيراتي وديما كيقول وحدة لكاينة في المغرب، إذن هذه الماركة خلاتو إحس براسو واعر، البراند كيقلل تكاليف البحت عند الزبون، حيت ماشي كل مرة كيقلب على المنتوج لمحتاج.
دابا غادي ندوزو للمعقول، وغادي ندويو على
3- خطوات صناعة العلامة التجارية أو branding :
كاينة 6 خطوات لخاص أي واحد إتبعهم باش إبني علامة تجارية وهذه الخطوات قبل إطلاق العلامة التجارية في السوق.
1- تحديد الإستراتيجية :
في هذه المرحلة يجب تحديد :
- قطاع العمل domaine d'activité
- رؤية الشركة la vision يعني فين غادي فيناوا غادي
- رسالة الشركة la mission
- أهداف الشركة les objectifs
- الفئة المستهدفة la cible او target ديالك، لعمر ديالها، الدخل ديالها، فين كاينة، شحال العدد ديالهم ...
- التموقع أو positionnement هنا كاين أربعة أماكن وكاينة واحد الصورة لتحت كتبين هاذ الأمر، الموقع الأولل
✍ سعر أعلى + جودة أعلى mercedes
✍ سعر أعلى + جودة أقل infiniti
✍ سعر أرخص + جودة أعلى honda
✍ سعر أرخص + جودة أقل dacia
2- تحديد وعد العلامة التجارية :
أي بإختصار الميزة التنافسية ديالك وهادي هي مربط الفرس وهي secret، يعني علاش أنت وماشي لاخر، أشنو كتقدم كإضافة للزبناء ديالك، أشنو لحاجة لعندك وغادي تخلي الزبون إرجع إشري من عندك ؟
نعطي أمثلة :
- شركة BMW كتوعد السائق أنه غادي يكون مرتاح
- شركة Volvo كتوعد الزبائن بالأمن
- شركة Dacia كتوعد الزبائن بتمن أقل ماكاين
- شركة Appel كتوعد الزبائن بأنها غادي تغير ليهم طريقة التفكير ديالهم
- شركة Walmart كتوعد الزبناء بتوفير المال
أنت تقدر دير مثلآ الوعد ديالك : هو السرعة في التوصيل، هو الضمان لمدة عام، هو المنتوج إلا معجبكش تقدر ترجعو في أي وقت وتاخد فلوسك، مثلآ كتبع pizza en ligne تقدر دير الوعد هو pizza توصلك سخونة مثلآ ..إلخ
3- تحديد 3 قيم رئيسية للعلامة التجارية ديالك :
متلآ الجودة - السرعة - الضمان
4- عمل قائمة بالأسماء المحتملة للعلامة التجارية :
هنا كدير واحد brainstorming باش مع الأصدقاء ديالك والعائلة والمتخصصين لكاتيق فيهم مزيان باش تشوف الإسم المحتمل، وخاص تشوف كل إسم يكما مسجل في ompic، والإسم عندو 3 شروط إكون significatif، prononcable، enregistrable
5- عمل لوحة تختصر الهوية البصرية :
هنا كتدخل في مرحلة prototype وكتخرج أمثلة وكتجرب وكتشوف وكتصلح وكتقاد داكشي لخاصو إتقاد
6- كتابة قصة العلامة التجارية :
كيفاش بدأت الفكرة وكيفاش لقيتي المنتوج وما هي المراحل لدزتي منها وكادير واحد الفيلم زوين للأرشيف.
فاش كتسالي هذه المراحل وكتاخد قرار نهائي أن هذه هي la marque كتجمع لوراق ديالك وكتدخل لموقع ompic وكتسجل brand ديالك كتخلص على الأقل 125 دولار على مدة 10 سنوات.
هنا كنقولك مبروك عليك brand
ههههه مالك فرحان راه باقي كاع مبديتي هادشي كولو راه غير مرحلة التخطيط والإستعداد
مزال مرحلة التنفيد لفيها :
- التسويق marketing وهي لكتشوف فاش كتكوز كتفطر قوة الإشهارات لكتخلي هدوك les brands إلصقو في دماغك
- البيع vente
- التوصيل livraison
- بناء علاقة مع الزبناء relation client
- تقييم النتائج المحققة
- قرار المواصلة بنفس الإستراتيجي!