كيفاش نتقن الكتابة الاعلانية في الفايسبوك

باش تقاد محتوى اعلاني في الفايسبوك ضروري خصك تكون متميز في فن الكتابة الاعلانية ولي كتسمى الكوبي رايتينغ كاينا واحد المقولة تتقول كل رجل اعمال بغا ينجح خصو يتقن فن البيع من الكلمات داكشي علاش خصك تصوب خطة محكمة لي تخلي الإعلان ديالك احقق نتائج إيجابية وكتقوم كتابة الإعلانات على البحث المركز على الاحتياجات تاع الزبائن وكتحلل الأداء ضمن التفاصيل العديدة وكتركز على النتيجة في فترة معينة من الكلام حيث كيتم اعداد نص زوين وجذاب كيكون قادر على التحفيز للبيع المباشر وكيعاونك تحط إجراءات بسيطة لقياس النجاح ودبا غانوريكم خطوات أساسية لي من خلالها تقدر تكتب أي نص اعلاني سواء كان محتوى ديال الموقع او الاميل او الفايسبوك

اول خطوة لي غانعتمدو عليها في كتابة نص اعلاني هي العنوان لي خصو يكون قصير وجذاب ومن خلال بعد الدراسات تبين ان العناوين لي تتكون فيها ارقام كتحقق نتائج زوينة بالمقارنة مع بالعناوين العادية ولي تتحفز الشخص باش ادخل

والخطوة الثانية هيا نختار كلمات تثير الفضول ديال الملتقي بحال مثلا اكتشف اسرار هادشي لي غايخلي المتابع ينتقل من العنوان الى الفقرة الأولى

وكتابة الإعلانات كتعني انشاء محتوى مقنع لي الهدف منو زيادة مبيعات العلامات التجارية والشركات وكيتكون هذا المحتوى من جمل قصيرة وكل وحدة تتصيفتك لجملة الأخرى حتى تتوصل للقرار ديال اتخاد الشراء ويمكن يكون على هيئة الإعلانات ديال مواقع التواصل الاجتماعي بحال الفايس او انستغرام ولا رسائل البريد الالكتروني و اللوحات الاعلانية وحتى النشرات الصحفية وكيتميز هاد المحتوى انه استراتيجي ومباشر وعندو اتجاه واحد كينتهي بدعوة ونداء واضح باش تشري منتج او خدمة وفي الأخير كيكون الهدف الوحيد هو الترويج للعلامة التجارية وزيادة مبيعاتها

وباش تكون كاتب محتوى خصك تجمع بزاف د المصادر منها الكتب والدراسات والمقابلات وتكون عارف كيفاش تكتب المحتوى التسويقي للترويج للمنتجات والخدمات وبالإضافة خصك تحدد المواضيع الي غايحتاجها العملاء وتقترح  مواضيع جديدة وتصوب مسودات منظمة وجيدة ثم إدارة المحتوى وباش تبان نتائج زوينة في نتائج محركات البحث وتزيد معدل الزيارات ف SEO وداكشي بكتابة مقالات متوافقة مع السيو وخصك تقوم بعملية التدقيق قبل نشره وفي الأخير خصك تصيفت محتوى المحررين من اجل الموافقة عليه ونشره والتاكد من الاتساق الشامل وزيادة النغمة والخطوط والنمط والصور بالإضافة الى تحديث المحتوى في وقت الحاجة باش نواكبو التغيرات