شنو هيا الوكالة الاعلانية وكيفاش كتساهم في التسويق الالكتروني
وكالة إعلانية كتقدم فيها خدمة وكتكون فيها نتا الوسيط بين العميل لي هو مول المشروع لي بغا يسوق المنتوجات ديالو وبين منصات التواصل الاجتماعي facebook ads;google ads
بحال مثلا جا عندك مقهى معين كيقدم وجبات زوينة وبنينة لكن عدد الكليان ديالو قليل وبغا يدخل مشروعو في مواقع التواصل الاجتماعي باش انتشر واتزادو المبيعات هنا غايخصو ادخل ويقاد الصفحة د الفايسبوك والانستغرام ويصوب اللوغو الخاص به ويدير تعديل لقائمة الأطعمة وبزاف د الأشياء ويطلق الحملة الاعلانية ديالوالأمور غاتصعب عليه داكشي علاش خصو من ضروري من وكالة إعلانية او smma باش يجبد الزبناء ويحقق المداخيل لي بغا
وباش يستثمر الشخص في هاد المشروع خاص تكون عندو مهارات معينة لي من خلالها تقدر تكون نتا الوكالة الاعلانية المتعددة الخدمات ونرجعو لمثال المقهى لي هدرنا عليه في الأول فمثلا هو كمول المشروع يقدر يطلب منك تصور ليه الماركات د الماكلة لي كيدير في المقهى ديالو بطريقة جيدة وهنا خصك تكون ضابط الوضعيات الصحيحة المناسبة للتصوير وبلا هادشي خصك تكون عارف وضابط البرامج ديال الدازين بحال الفوتشوب واليستراتور وانديزاين نقطة أخرى من بين الخدمات لي ممكن يطلبها صاحب المشروع هو تدير ليه فيديو متكامل وهنا خصك تكون ضابط بالإضافة لما سبق تكون عارف شنو باغي مول المشروع وشنو هما نوع الكليان لي خصك تستهدف وتحول تختار زاوية معالجة لزوينة لي من خلالها تجدب الكليان وتخليه يضغط مباشرة ويتفرج وهنا خص تكون عندك مهارات صوتية زوينة بلا المعرفة ديالك في مجال المونتاج والتصوير والديزاين
ويقدر يطلب منك فقط تصوب ليه تعليق صوتي وهنا خصك تركز فقط على الصوت ديالك أكون مزيان ومخارج الحروف مقادة وبلا المهارات في الديزاين والمونتاج ومن هاد الأمور كلها ممكن يطلب منك فقط دير ليه حملة إعلانية باش تجلب ليه الكليان هادشي علاش باش انك توصل لهاد المرحلة بالذات خصك تكون ضابط قبل أي حاجة عندها علاقة بالصوت والديزاين والتصوير والمونتاج وتعرف كيفاش تهدر وتقنع الكليان دبا نتقلو لشنو هما الشروط باش تصوب وكالة إعلانية واش ضروري تكون عندك شركة ولا لا فمثلا الا كنتي مبتدئ مكنصحكش دير شركة لانه يالله نتا بادي وماعندكش تجربة وفريق ديالك والمقرفمكاين لاش تدير شركة وتزيد عليك المصاريف هنا خصك فقط تركز على تطوير فريقك وتجيب عملاء اكثر
